24-август 2026-жыл Дөбөлү айылы
Дөбөлү айыл аймагынын айылдык Кенешинин
ХХIХ-чакырылышынын кезектүү 27-сессиясынын
№27/3 Токтому
Тамды-Суу айылынын жашоочуларынын кайрылуусун кароо жөнүндө
Тамды-Суу айылынын жашоочуларынын “Кызыл-Кашаа” кыштоосунда жайгашкан мал дарылоочу расколду Тамды-Суу айылына көчүрүп берүү жана мектепке баруучу башталгыч класстын окуучуларын, ошондой эле бала бакчага баруучу балдарды ташуу үчүн транспорт каражаты менен камсыз кылуу жөнүндө кайрылуусун карап чыгып, Кыргыз Республикасынын 2021-жылдын 20-октябрындагы №123 “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын, Кыргыз Республикасынын “Жарандардын кайрылууларын кароо тартиби жөнүндө” Мыйзамынын негизинде Дөбөлү айыл аймагынын айылдык кеңеши токтом кылат:
- Дөбөлү айыл аймагынын Тамды-Суу айылынын жашоочуларынын “Кызыл-Кашаа” кыштоосунда жайгашкан мал дарылоочу расколду Тамды-Суу айылына көчүрүп берүү жөнүндө кайрылуусу канааттандырылбасын.
- “Кызыл-Кашаа” кыштоосундагы мал дарылоочу раскол АРИС аркылуу ишке ашырылган долбоордун алкагында курулгандыгын жана объект долбоордо белгиленген максатта пайдаланууга арналгандыгын эске алуу менен, аны башка жерге көчүрүүгө жол берилбесин.
- Дөбөлү айыл аймагынын айыл өкмөтүнө Тамды-Суу айылынан мектепке баруучу башталгыч класстын окуучуларын жана бала бакчага баруучу балдарды ташуу маселесин чечүү боюнча тиешелүү чараларды көрүү милдеттендирилсин.
- Бул токтомдун аткарылышын көзөмөлдөө жагы Дөбөлү айыл өкмөтүнүн башчысы К. Кудайбергеновго тапшырылсын.
Төрага Б. Шералиев