24-август 2026-жыл Дөбөлү айылы
Дөбөлү айыл аймагынын айылдык Кенешинин
ХХIХ-чакырылышынын кезектүү 27-сессиясынын
№27/4 Токтому
Дөбөлү айыл аймагынын Кеңеш айылындагы муниципалдык менчикте турган жер тилкесине жаңы фельдшердик-акушердик пункт (ФАП) курууга макулдук берүү жөнүндө
Кыргыз Республикасынын 2021-жылдын 20-октябрындагы №123 «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесинин 1-бөлүгүнө, 2-бөлүгүнүн 5-пунктуна, 39-беренесине, Кыргыз Республикасынын 2025-жылдын 18-июлундагы №149 Жер кодексинин 5, 23, 24, 27 жана 30-беренелерине ылайык, Кеңеш айылындагы калкты медициналык-санитардык жардам менен камсыз кылуу шарттарын жакшыртуу, айыл тургундарына медициналык жардам көрсөтүүнүн жеткиликтүүлүгүн камсыз кылуу максатында, Дөбөлү айыл аймагынын айылдык кеңеши токтом кылат:
- Дөбөлү айыл аймагынын Кеңеш айылында жайгашкан, муниципалдык менчикте турган, кадастрдык номери № 4-05-08-1003-0198 жер тилкесине жаңы фельдшердик-акушердик пункт (ФАП) курууга макулдук берилсин.
- ФАП куруу үчүн көрсөтүлгөн жер тилкесин пайдалануу анын укуктук статусуна, жердин максаттуу багытына, шаар куруу жана жер мыйзамдарынын талаптарына ылайык жүргүзүлсүн.
- ФАП курууга байланыштуу долбоорлоо, куруу жана пайдаланууга берүү иштери Кыргыз Республикасынын жер, шаар куруу, санитардык-эпидемиологиялык, өрт коопсуздугу жана башка тиешелүү мыйзамдарынын талаптарына ылайык жүргүзүлсүн.
- Ушул токтомдун 1-пунктунда көрсөтүлгөн жер тилкесинин муниципалдык менчик статусун сактоо менен ФАП курулуп бүткөндөн кийин объект Кыргыз Республикасынын мыйзамдарында белгиленген тартипте тиешелүү мекеменин балансына өткөрүлүп берилсин.
- Бул токтомдун аткарылышын көзөмөлдөө жагы Дөбөлү айыл өкмөтүнүн башчысы К. Кудайбергеновго тапшырылсын.
Төрага Б. Шералиев