Дөбөлү айыл аймагынын айылдык Кенешинин ХХIX-чакырылышынын кезектүү 9-сессиясынын №9/9 Токтому Дөбөлү айыл аймагынын Эки-Нарын айылына бала бакчанын жаңы имаратын салууга жер аянтын бөлүп берүү жөнүндө

3-июнь  2025-жыл                                                                                                                                               Дөбөлү  айылы

Дөбөлү айыл аймагынын айылдык Кенешинин

ХХIX-чакырылышынын кезектүү  9-сессиясынын

    №9/9    Токтому

Дөбөлү айыл аймагынын Эки-Нарын айылына бала бакчанын жаңы имаратын салууга жер аянтын бөлүп берүү  жөнүндө

 

Кыргыз Республикасынын “Мүлккө муниципалдык менчик жөнүндө” Мыйзамына ылайык Эки-Нарын айылына бала бакчанын жаңы имаратын салуу максатында Дөбөлү айыл аймагынын Эки-Нарын айылынын айыл башчысынын кайрылуусунун негизинде Дөбөлү айыл аймагынын айылдык кеңеши               токтом кылат:

 

1. Кыргыз Республикасынын “Мүлккө муниципалдык менчик жөнүндө” Мыйзамына ылайык Дөбөлү айыл аймагына караштуу Эки-Нарын айылынын “Жал-Арык” участкасынын №593 контурдагы “Калктуу конуштун жерлери” категориясындагы жалпы 4,0 га жер аянтынан Эки-Нарын айылына бала бакчанын жаңы имаратын салууга 20 сотых жер аянтын бөлүп берүүгө макулдук берилсин.

2. Бул токтомдун аткарылышын көзөмөлдөө жагы Дөбөлү айыл өкмөтүнүн башчысы К. Кудайбергеновго тапшырылсын.

 

Төрага                                                                                                                                                           Б. Шералиев